Спорт - Nalaikh.nutag.mn

Спорт - Nalaikh.nutag.mn http://nalaikh.nutag.mn/ ru Спорт - Nalaikh.nutag.mn DataLife Engine О.Наранзул ой тогтоолтын дэлхийн аварга болов http://nalaikh.nutag.mn/index.php?newsid=2732 http://nalaikh.nutag.mn/index.php?newsid=2732

Ой тогтоолтын дэлхийн холбооноос зохион байгуулсан 34 дэх удаагийн ой тогтоолтын дэлхийн аварга шалгаруулах тэмцээнд манай улсын тамирчин, олон улсын хэмжээний мастер О.Наранзул дэлхийн аварга боллоо. Тэмцээнд 15 орны 169 тамирчин харааны болон сонсголын ой тогтоолтыг шалгасан 10 төрөлд гурван өдрийн турш өрсөлдөж, аваргуудаа тодруулахад О.Наранзул 8225 оноогоор өсвөрийн дэлхийн аваргын цом хүртэн, нийлбэр дүнгээр насанд хүрэгчдийг ялан энэ оны аварга болж, 10 сая төгрөгийн шагнал хүртжээ. Тэрбээр Монгол Улсаас нийлбэр дүнгээр дэлхийн аварга болсон дөрөв дэх тамирчин аж.

Монголын оюун ухааны академийн тамирчид энэ удаагийн ДАШТ-ээс нийт 90 медалиас 66-г нь хүртэж, нийлбэр оноогоор тэргүүлснээр долоон удаагийн дэлхийн аварга баг болж, түүхэн амжилт тогтоосон байна. Тодруулбал, монгол хүүхдүүд 10 төрлөөр хэдэн мянган мэдээлэл тогтоон, эргэн санаж, оюун ухаанаа уралдуулан өрсөлдөж, нийлбэр дүнгээр багаараа дэлхийн аварга болжээ. Түүнчлэн их мастер цолны болзлыг Г.Эрдэнэгэрэл, Н.Марал нар хангасан байна. Эл цолыг тэмцээний нийлбэр дүнгээр 5500 оноо давуулсан эхний таван тамирчинд олгодог аж. Мөн олон улсын мастер цолыг долоон хүүхэд хангажээ.

]]> zulaa Wed, 17 Dec 2025 10:45:26 +0800 "Астана дэлхийн цом-2025" тэмцээнээс мөнгөн медаль хүртлээ http://nalaikh.nutag.mn/index.php?newsid=2639 http://nalaikh.nutag.mn/index.php?newsid=2639

Казакстан улсын Астана хотноо зохион байгуулагдсан гардан тулааны аварга шалгаруулах "Астана дэлхийн цом-2025" тэмцээний өөрийгөө хамгаалах төрөлд ДХИС-ийн Онцгой байдлын сургуулийн 633 дугаар дамжааны сонсогч М.Бат-Эрдэнэ 80 кг-ийн жинд мөнгөн медаль хүртлээ.

Тэмцээнд Монгол Улсаа төлөөлөн Дотоод хэргийн их сургуулийн Биеийн тамир, албаны бэлтгэлийн институтийн ахлах багш, дэд хурандаа Х.Оналбек дасгалжуулагчтай 11 тамирчин оролцсон байна.

Баг тамирчид тус тэмцээний өөрийгөө хамгаалах болон тулааны төрлөөс 2 алт, 4 мөнгө, 7 хүрэл нийт 13 медалийг хүртсэн амжилтыг үзүүлсэн юм.

]]> zulaa Tue, 21 Oct 2025 09:40:34 +0800 Аравдугаар сард зохион байгуулагдах хүчит бөхийн барилдааны ХУВААРЬ http://nalaikh.nutag.mn/index.php?newsid=2627 http://nalaikh.nutag.mn/index.php?newsid=2627
Монголын Үндэсний бөхийн холбооноос Монгол бөхийн өргөөнд аравдугаар сард зохион байгуулах хүчит бөхийн барилдааны хуваарийг танилцуулж байна.

10.05-нд 13:00 цагт Ахмад бөхчүүдийн барилдаан
10.12-нд 13:00 цагт Баянгол дүүргийн түүхт 60 жилийн ойд зориулсан Улс, аймаг, цэргийн цолтой хүчит 128 бөхийн барилдаан
10.17-нд 13:00 цагт МУБИС-ийн Биеийн тамирын дээд сургуулийн 70 жилийн ойд зориулсан хүчит 64 бөхийн барилдаан
10.18-нд 11:00 цагт Сумын цолтон болон залуу бөхчүүдийн барилдаан
10.20-нд 19:00 цагт МҮБХ-ны "Алтан цом-2025" барилдааны багийн сугалааны үйл ажиллагаа
10.25-нд 15:00 цагт МҮБХ-ны Алтан цомын нэгдүгээр тойргийн барилдаан
10.26-нд 15:00 цагт МҮБХ-ны Алтан цомын нэгдүгээр тойргийн барилдаан

Энэ сард Хэнтий аймгийн Өндөрхаан хотод зохион байгуулагдах бөхийн барилдааны хуваарь:

10.21-нд 10:00 цагт Өсвөр үе /16-18/, залуучууд /19-20/-ын Улсын аварга шалгаруулах барилдаан
10.22-нд 10:00 цагт Өсвөр үе, залуучуудын Улсын аварга шалгаруулах барилдаан
10.23-нд 10:00 цагт Өсвөр, залуучуудын УАШБ-д зориулсан хүчит 64 бөхийн барилдаан
10.24-нд 10:00 цагт Өсвөр үе, залуучуудын Улсын аварга шалгаруулах барилдаан

]]> zulaa Thu, 02 Oct 2025 11:24:45 +0800 Д.Сэлэнгээ хоёр төрөлд дэлхийн аварга боллоо http://nalaikh.nutag.mn/index.php?newsid=2626 http://nalaikh.nutag.mn/index.php?newsid=2626

Пара байт харвааны дэлхийн аварга шалгаруулах тэмцээн БНСУ-ын Кванжуд үргэлжилж байна.

Өчигдөр /2025.09.28/ эмэгтэйчүүдийн багийн харваанд Д.Сэлэнгээ, Б.Оюун-Эрдэнэ нар БНСУ-ын багийг 6:0-ээр хожсоноор алтан медаль хүртэж, пара байт харвааны дэлхийн аварга болсон билээ. Мөн Д.Сэлэнгээ, Н.Мөнхбаатар пара байт харвааны холимог багийн төрөлд түрүүлж түүхэн амжилт гаргаж, Д.Сэлэнгээ нэг өдөр хоёр төрөлд Дэлхийн аварга боллоо.

]]> zulaa Tue, 30 Sep 2025 10:16:18 +0800 Мэргэжлийн боксоор нэг ч ялагдалгүй яваа Э.Цэндбаатар дараагийн тулаанаа хийнэ http://nalaikh.nutag.mn/index.php?newsid=2625 http://nalaikh.nutag.mn/index.php?newsid=2625

Монгол Улсын гавьяат тамирчин, мэргэжлийн боксчин Э.Цэндбаатар Хойд Америкийн аваргын бүсийг хамгаалах ээлжит тулаанаа өнгөрсөн долоодугаар сард хийсэн. Тэрбээр АНУ-ын шилдэг боксчин Галиндотой тулж, илт давуу оноогоор ээлжит ялалтаа байгуулсан юм. Энэ түүний дараалсан 13 дахь ялалт байв.

Тэгвэл түүний дараагийн тулааны тов гарчээ.

Тодруулбал, ирэх арваннэгдүгээр сарын 7-нд АНУ-ын Флорида мужийн Тампа хотод Мексикийн боксчин Брэндон Бенитестэй тулалдах аж. Түүний өрсөлдөгч мэргэжлийн боксын рингэнд 25 тулалдахад 21 ялсан амжилттай. Харин Э.Цэндбаатар нэг ч ялагдалгүй яваа.

]]> zulaa Fri, 26 Sep 2025 12:51:10 +0800 Г.Ану-Үжин, Г.Хонгорзул нар софт теннисийн Азийн аваргаас хүрэл медаль хүртэв http://nalaikh.nutag.mn/index.php?newsid=2622 http://nalaikh.nutag.mn/index.php?newsid=2622

Өмнөд Солонгосын Мүнгён хотноо софт теннисний насанд хүрэгчдийн Азийн аварга шалгаруулах тэмцээн зохион байгуулагдав. Тус Азийн аваргад Дархан-Уул аймгийн софт теннисний шигшээ багийн тамирчин Г.Хонгорзул, Г.Ану-Үжин нар хүрэл медаль хүртлээ.

]]> zulaa Tue, 23 Sep 2025 10:13:57 +0800 The MongolZ баг "VRS" чансааны жагсаалтаар дэлхийн №1 баг боллоо http://nalaikh.nutag.mn/index.php?newsid=2617 http://nalaikh.nutag.mn/index.php?newsid=2617

Цахим спортын "Counter Strike 2" тоглоомын FISSURE Playground 2 тэмцээн Белград хотноо үргэлжилж буй.

Тус тэмцээнд The MongolZ баг өчигдөр (2025.09.15)-нд гуравдугаар тойрогт Хятадын "Tyloo" багийг 2:1 харьцаатай хожсоноор, "Valve"-аас гаргадаг VRS чансааны жагсаалтаар дэлхийд №1-т бичигдлээ.

Шинэ жагсаалтад:

The MongolZ баг 1960 оноогоор тэргүүлж,
Vitality баг 1955 оноогоор удаалж,
Spirit баг1943 оноогоор гуравдугаарт,
MOUZ баг 1870 оноогоор дөрөвдүгээрт бичигджээ.

Тэмцээнд түрүүлсэн баг 200,000 ам доллар, дэд байр эзэлсэн баг 100,000 ам долларын шагнал хүртэх юм.

]]> zulaa Wed, 17 Sep 2025 17:29:05 +0800 “Khan Cup” 3х3 сагсан бөмбөгийн тэмцээний улсын аваргууд тодорлоо http://nalaikh.nutag.mn/index.php?newsid=2607 http://nalaikh.nutag.mn/index.php?newsid=2607

ХААН Банкны нэрэмжит “Khan Cup” 3х3 сагсан бөмбөгийн тэмцээний финалын шат буюу улсын аварга шалгаруулах тэмцээн өнгөрсөн бямба гарагт Үндэсний соёл амралтын хүрээлэнд амжилттай болж өндөрлөлөө. Тус тэмцээнд орон нутгийн таван бүс болон нийслэлээс тодорсон эрэгтэй, эмэгтэй нийт 24 баг аваргын төлөө хурд хүч, авхаалж самбаагаа сорин өрсөлдсөн юм.

Монголын хамгийн том банкны хувьд ХААН Банк нийгмийн хариуцлагын хүрээнд хүүхэд, залуусын чөлөөт цагийг зөв боловсон өнгөрүүлэх, эрүүл мэнд, бие бялдрын хөгжил, багийн спортыг дэмжих зорилгоор 2021 онд 21 аймаг, Зүүнхараа, Замын-Үүд болон нийслэлийн 8 дүүрэгт 3х3 сагсан бөмбөгийн жишиг талбайг байгуулсан бөгөөд жил бүр улсын хэмжээнд энэхүү тэмцээнийг уламжлал болгон зохион байгуулж ирсэн билээ.

Улсын аварга шалгаруулах тэмцээний эрэгтэй ангилалд Дорноговь аймгийн 2-р сургуулийн баг тамирчид тэргүүн байр эзэлж, удаах байруудад Чингэлтэй дүүргийн “Show time” болон Ховд аймгийн “Ховд Азза” багууд шалгарлаа. Харин эмэгтэй ангилалд Чингэлтэй дүүргийн “DIP” баг түрүүлж, Багануур дүүргийн “RAIDS1” болон Сэлэнгэ аймгийн Ерөө сумын багууд хоёр, гуравдугаар байр эзэллээ. Аварга болсон баг тамирчид мөнгөн урамшууллаас гадна өчигдөр Монголын 3х3 сагсан бөмбөгийн шигшээ багтай хамтарсан бэлтгэл хийсэн юм.

Энэ жилийн тэмцээнийг Монголын 3х3 сагсан бөмбөгийн холбоотой хамтран олон улсын стандартын дагуу, илүү өргөн цар хүрээтэйгээр зохион байгуулснаараа онцлог бөгөөд орон даяар нийт 510 багийн 2000 гаруй хүүхдийг хамруулсан юм.

ХААН Банк Монголын сагсан бөмбөгийн спортыг байнга дэмжсээр ирсэн. Тодруулбал, 2015 оноос хойш NBA-ийн шууд дамжуулалтыг Монголын үзэгчдэд хүргэхэд ерөнхий ивээн тэтгэгчээр ажиллаж байсны дээр 2024-2025 оны Оюутны лигийг дэмжин ажилласан билээ. Мөн өнгөрсөн онд Монголын сагсан бөмбөгийн дээд лигийн “Бишрэлт Металл” багтай хамтран ажиллах санамж бичиг байгуулж, ивээн тэтгэгчээр ажиллаж байна.

Спортын өсөлтийг дэмжигч – ХААН Банк

]]> zulaa Wed, 03 Sep 2025 13:13:34 +0800 “Khan Cup” 3х3 сагсан бөмбөгийн тэмцээний ялагчид бямба гарагт тодорно http://nalaikh.nutag.mn/index.php?newsid=2604 http://nalaikh.nutag.mn/index.php?newsid=2604

ХААН Банкны нэрэмжит “Khan Cup” 3х3 сагсан бөмбөгийн тэмцээний 2 дахь шат буюу Бүсийн аварга шалгаруулах тэмцээний албан ёсны нээлтийн арга хэмжээ Үндэсний соёл амралтын хүрээлэнд өнөөдөр боллоо. Энэхүү нээлтийн ёслолд аймаг аймгаас шалгарсан шилдэг баг тамирчид хүрэлцэн ирснээс гадна ХААН Банкны Гүйцэтгэх захирал, НҮБ-ын Хүүхдийн сангийн үндэсний элч Р.Мөнхтуяа, НҮБ-ын Хүүхдийн сангийн суурин төлөөлөгч Эваристе Коуасси-Комлан болон Монголын 3х3 сагсан бөмбөгийн холбооны Ерөнхий нарийн бичгийн дарга С.Төгсжаргал нар оролцлоо. Мөн ХААН Банк өнгөрсөн оноос ивээн тэтгэн хамтран ажиллаж буй Монголын сагсан бөмбөгийн дээд лигийн “Бишрэлт Металл” багийн тамирчид хүүхдүүдийг дэмжихээр хүрэлцэн ирсэн нь онцлог байлаа.

Үндэсний хэмжээний хамгийн том банкны хувьд ХААН Банк нийгмийн хариуцлагын хүрээнд хүүхэд залуусын чөлөөт цагийг зөв боловсон өнгөрүүлэх, эрүүл мэнд, бие бялдрын хөгжлийг дэмжих, багийн спортыг хөгжүүлэхэд хувь нэмэр оруулах үүднээс 2021 онд 21 аймаг, Зүүнхараа, Замын-Үүд болон нийслэлийн 8 дүүрэгт 3х3 сагсан бөмбөгийн жишиг талбай байгуулсан бөгөөд жил бүр ХААН Банкны нэрэмжит 3х3 сагсан бөмбөгийн тэмцээнийг аймаг бүрд зохион байгуулдаг уламжлалтай болсон билээ. Энэ жилийн хувьд ХААН Банк Монголын 3х3 сагсан бөмбөгийн холбоотой хамтран уг тэмцээнийг олон улсын стандартын дагуу, илүү өргөн цар хүрээнд зохион байгуулж, орон даяар нийт 510 багийн 2000 гаруй хүүхдийг хамруулснаараа онцлог юм.

ХААН Банкны Гүйцэтгэх захирал Р.Мөнхтуяа тэмцээний нээлтийн үеэр “Багийн спорт гэдэг хамтдаа ялалт байгуулах урам зориг, хамтдаа хичээх тэсвэр хатуужил, хамтдаа ялах, ялагдахын сургамжийг өгдөг. Манай банкны уриа үг ХАМТЫН ӨСӨЛТ ТӨГӨЛДӨР. Энэ уриатай багийн спортын зорилго мөн нийцдэг гэж бодож байна. Хамтдаа илүү хол алхана, илүү хүчтэй байна, илүү амжилт үзүүлнэ. Тиймээс бид багийн спортыг дэмжихийг зорьж, түүгээр дамжуулж, хүүхэд залууст хамтдаа олон олон ялалт байгуулж, өсөж хөгжих, эх орныхоо нэрийг тив дэлхийд дуурсгах ирээдүйн аваргуудын өсөж өндийх хөрсийг бэлдэж байна гэж үзэж байна” гэлээ.

ХААН Банкны нэрэмжит “Khan Cup” 3х3 сагсан бөмбөгийн тэмцээний 2 дахь шат буюу Бүсийн аварга шалгаруулах тэмцээний ялагчид энэ сарын 29-нд тодрох бөгөөд орон нутгийн 5 бүс болон нийслэлээс шалгарсан нийт эрэгтэй, эмэгтэй 24 баг 8-р сарын 30-нд улсын аваргын төлөө хүч сорих юм.

Тэмцээний нийт шагналын сан 150 сая төгрөг. Бүсийн аварга шалгаруулах тэмцээний 1-р байр 2 сая, 2-р байр 1 сая, 3-р байр 700 мянган төгрөгийн шагналтай бол финалын шатанд аваргын цомын эзэн болох баг 5 сая, 2-р байр 3 сая, 3-р байр 1 сая төгрөгийн шагнал хүртэх юм. Мөн үүнээс гадна ХААН Банк Монголын 3х3 сагсан бөмбөгийн холбоотой хамтын ажиллагааны хүрээнд тэмцээний аварга баг тамирчдыг шигшээ багтай хамтарсан бэлтгэлд хамруулах боломжийг бүрдүүлэх, их дээд сургуульд элсэн суралцахад нь дэмжлэг үзүүлэх зэргээр Монголын сагсан бөмбөгийн спортыг бүх түвшинд тогтвортой дэмжихээр зорьж байна.

Спортын өсөлтийг дэмжигч – ХААН Банк

]]> zulaa Thu, 28 Aug 2025 16:29:14 +0800 “The MongolZ” баг, “Falcons” багийг 2:0-ээр буулган авлаа http://nalaikh.nutag.mn/index.php?newsid=2584 http://nalaikh.nutag.mn/index.php?newsid=2584

Цахим спортын “The MongolZ” баг, “Falcons” багийг 2:0-ээр буулган авсан байна. Ийнхүү тэд шигшээ шатныхаа эрхийг авлаа. Тэдний дараагийн тоглолт мягмар гарагт болох бөгөөд “Vitality” болон “G2” багийн аль нэгэнтэй нь хэсгээсээ нэгдүгээр байраар гарах эсэхээ шийдэх тоглолт хийхээр боллоо.]]> zulaa Mon, 28 Jul 2025 13:05:57 +0800