П.Батчулуунд холбогдох хэргийг давж заалдах шатны шүүхээр хэлэлцэнэ
Хүний эд эрхтнийг зөвшөөрөлгүй авсан хэрэгт буруутгагдан 2.6 жилийн ялаар шийтгэгдсэн П.Батчулуун давж заалдана.
Тодруулбал, Эрүүл мэндийн яамны Эрүүл мэндийн Хөгжлийн төвийн Эс, эд, эрхтэн шилжүүлэн суулгах үйл ажиллагааг зохицуулах албаны даргаар ажиллаж байсан П.Батчулууныг хүний эд эрхтнийг зөвшөөрөлгүй авсан үйлдэлд гэм буруутайд тооцон 2.6 жилийн ял оноосон. Тэгвэл тус хэргийг П.Батчулууны гомдлын дагуу дахин хэлэлцэхээр болжээ. Тодруулбал, шүүх хуралдааныг 2025 оны гуравдугаар сарын 13-нд Нийслэлийн Эрүүгийн хэргийн Давж заалдах шатны шүүхэд хэлэлцэхээр товложээ.