Интернетийн шугам сүлжээ засварлаж байсан нэг хүн цахилгааны хүчдэлд цохиулж, гэмтжээ. 

Тодруулбал, Нийслэлийн Налайх дүүргийн хоёрдугаар хорооны нутаг дэвсгэрт байрлах гурван давхар барилга дээр интернетийн шугам сүлжээ засварлаж байсан нэг хүн цахилгааны хүчдэлд цохиулж унасан байна. Энэ тухай дуудлагыг зургаадугаар сарын 3-ны 17:38 цагт Онцгой байдлын газар хүлээж авсан байна.

Улмаар дүүргийн Онцгой байдлын хэлтсийн алба хаагчид нэг км зам туулан, 17:40 цагт очиход “Мэдээлэл холбооны сүлжээ” ХХК-ийн ажилтан Ц /32 настай, эрэгтэй/ нь зоогийн газрын гурван давхар барилга дээр интернетийн сүлжээ засварлах явцдаа 35 кВ-ын цахилгаан дамжуулах агаарын шугамд хүрсний улмаас баруун хөлийн сарвуу, баруун гарын шууны хэсгээр түлэгдсэн байжээ. Тухайн иргэнийг эрүүл мэндийн байгууллагад хүргэжээ.