Нидерландын өмнөд хэсгийн Тилбург хот өнгөрсөн амралтын өдрүүдэд урьдынхаасаа илүү өнгөлөг болжээ. Учир нь дэлхийн өнцөг булан бүрээс улаан үстэй хэдэн мянган хүн цугларч, жил бүр болдог фестивальд оролцсон байна. 2025 оны Улаан үсний өдрүүд гэгдэх фестивалийн онцлох зүйлсээс дурдвал, хөгжмийн үзүүлбэр, түргэн хоолны машин, жижиглэн худалдаа байснаас гадна арьсны онцлогт тохирсон нүүр будалт, арьсны хорт хавдраас урьдчилан сэргийлэх сургалт орсон. Мөн гурван өдрийн фестивальд нийт 80 гаруй орноос мянга гаруй хүн хүрэлцэн ирж, оролцжээ.

Энэхүү фестивальд Ням гаригаас бусад хоёр өдөрт үнэ төлбөргүй оролцох боломжтой. Учир нь Ням гаригт хамтарсан зураг татуулдаг бөгөөд зөвхөн төрөлхийн улаан үстэй хүмүүс л оролцдог байна. Дашрамд дурдахад, 2013 оны фестивальд төрөлхийн улаан үстэй 1672 хүн хамтдаа зургаа даруулсан байдаг. Энэ нь төрөлхийн улаан үстэй хүмүүсийн хамгийн том цугларалт хэмээн Гиннесийн дээд амжилтыг тогтоосон байна.