Бүх Хятадын Сэтгүүлчдийн холбоо, БНХАУ-аас Монгол Улсад суугаа Элчин сайдын яам, Монголын Сэтгүүлчдийн Нэгдсэн Эвлэл санаачлан, ӨМӨЗО-ны Ардын Засгийн газрын Хэвлэл мэдээллийн алба гүйцэтгэж, Бээжин хотын Ардын Засгийн газрын Хэвлэл мэдээллийн алба, ӨМӨЗО-ны Ардын Засгийн газрын Гадаад хэргийн алба хамтран зохион байгуулж буй “Нээлттэй хамтран ажиллаж, хөгжлийг ахиулъя” Хятад, Монголын хэвлэл мэдээллийн Бээжин, Өвөр Монгол дахь хамтарсан сурвалжилга өнөөдөр буюу 05-р сарын 11-ний үдээс хойш Эрээн хотод эхэллээ.Энэхүү арга хэмжээнд Монголын Монцамэ агентлаг, “Үнэн” сонин, “Өнөөдөр” сонин, “Өдрийн сонин”, MIV зэрэг томоохон хэвлэл мэдээллийн байгууллага, мөн Zuv.mn, Mass.mn, News.mn зэрэг сайтууд, түүнчлэн “Гуанмин өдрийн сонин”, “Ардын өдрийн сонин” зэрэг Хятадын хэвлэл мэдээллийн хэрэгслийн 40 гаруй сэтгүүлч оролцож байна.

“Нээлттэй хамтран ажиллаж, хөгжлийг ахиулъя” уриан дор болж буй энэхүү сурвалжилга нь Өвөр Монголын Чөлөөт худалдааны туршилтын бүсийн Эрээн хотын салбар бүсээс аяны жолоогоо сунгаж, Эрээн дэх Хятад, Монголын эдийн засгийн хамтын ажиллагааны бүс, Эрээн хотын Хаоган жимс, хүнсний ногоо, амуу будаа, хүнсний тосны импорт, экспортын парк ХХК, Улаанцав хот дахь Улаанцавын Хунфү хөдөө аж ахуйн компани болон Хятадын сэрүүн бүсийн хүнсний ногооны академичийн ажлын станц, Бээжин хот дахь Бээжингийн “Модуль ертөнц” хиймэл оюун ухааны шинэ чанарын аж үйлдвэрийн хотхон, Xiaomi автомашины супер үйлдвэр зэрэг газруудаар сурвалжилга өрнүүлэх болно.Сурвалжилгын аян 05-р сарын 16-ны өдөр хүртэл үргэлжилнэ. Энэ хугацаанд сэтгүүлчид Бээжин, Өвөр Монголын роботын ертөнц, хиймэл оюун ухааны “Модуль ертөнц”, шинэ эрчим хүчний ухаалаг үйлдвэрлэлийн судалгаа, хөгжүүлэлтийн баазууд, чөлөөт худалдааны бүс, олон улсын ложистикийн паркууд, нүүрстөрөгчийн ялгаруулалтгүй тооцооллын эрчим хүчний баазууд, хил дамнасан худалдааны аж ахуйн нэгжүүд, орчин үеийн хөдөө аж ахуйн паркуудаар зочлох болно. Тэд чөлөөт худалдааны бүсийн бүтээн байгуулалт, хиймэл оюун ухааны салбарын экосистем, ухаалаг үйлдвэрлэл, ногоон эрчим хүч зэрэг сэдвээр ярилцлага, сурвалжилга хийж, Хятадын орчин үеийн ололт амжилтыг харуулахын зэрэгцээ Хятадын өндөр түвшний нээлттэй, харилцан ашигтай хамтын ажиллагааны түүхийг танилцуулах болно.Хятад, Монголын хамтарсан хэвлэл мэдээллийн хамтын сурвалжилгын арга хэмжээ олон жилийн турш зохион байгуулагдаж ирсэн бөгөөд Хятад, Монголын мэдээллийн салбарын солилцоо, хамтын ажиллагааны чухал брэнд арга хэмжээ болж, хоёр талын хэвлэл мэдээллийн хэрэгслийн солилцоо, практик хамтын ажиллагааг дэмжих, хоёр ард түмний харилцан ойлголцлыг нэмэгдүүлэхэд эерэг үүрэг гүйцэтгэсээр иржээ.

Уг сурвалжилга нь Хятадын “15 дахь таван жилийн төлөвлөгөө”-ний анхны жил, Өвөр Монголын чөлөөт худалдааны туршилтын бүсийг албан ёсоор нээсний дараа болж буй Хятад, Монголын анхны хамтын сурвалжилга болж байгаа бөгөөд хоёр орны хөгжилд илүү их оюуны дэмжлэг үзүүлэх, хоёр талын хамтын ажиллагааг илүү уян хатан, тогтвортой болгох нь дамжиггүй юм.