Манлай уяач П.Энхмөнх энэ сарын 12-13-нд шилжих шөнө Хүй долоон худгаас эртний хоёр эмээл, хазаар, зааны ясан хөөрөг, мөнгөн аяга, Тод манлай уяачийн зэндмэнэ эрдэнийн оройтой малгай зэргээ хулгайд алдсан байна. Тэрбээр өөрийн цахим хуудастаа “Хулгайд алдсан эд зүйлсийг олж өгсөн хүнд бүрэн тавилгатай хоёр өрөө байр өгнө. Ааваас минь өвлөж ирсэн эмээл, хазаараа бүрэн бүтэн олчих юм сан” хэмээжээ. Тус хэргийг Сонгинохайрхан дүүргийн цагдаагийн хэсгээс шалгаж байгаа аж.